G
كلمات ترنيمة
V ( الرب بيسمع صوتي) V
القرار
الرب بيسمع صوتي من قبل ما أصلي كمان
وأنا مهما أطلب منه بيجاوبنى بحنان
الرب حبيبى بيسمع صوتي من قبل ما أصلي كمان
وأنا مهما أطلب منه بيجاوبنى بحنان
1 ازاي أنسي وانا صغير لما كان حالي متغير
جه الدكتور وهوَّ مكشر قال على المستشفي قوام
طلبت إلهي في وسط الامي جاني بسرعة بإيده شفاني
قمت أرنم له بلساني وقلبي يسبح الحنان
2 أزاي أنسي يوم امتحاني وإبليس بيحارب إيماني
بمكره خوفني ونساني كل اللي ذاكرته تمام
بسرعه وأنا قاعد مكاني طلبت مسيحي اللي بيرعاني
جه طمني جاوب مكاني وخرجت ناجح فرحان
3 أزاي أنسي بابا وماما لما إحتاجنا مكنش معانا
جه إبليس شكك إيماني خلاني خأيف حيران
بسرعة قفلنا الاوضه علينا ركعنا وكلنا صلينا
طلبنا إلهنا اللي بيحمينا بعت الخير وملانا سلام
G
ليست هناك تعليقات:
إرسال تعليق